Ariwó ta gèè!

 

 

Ariwó  ta gèè.  Elékún ñsunkún. Àwon abánikédùn  ñgbéra s’ánlè  wôn ñyi gbirigbiri n’íle bī bōlu aláfesègbá ni pápá ìseré    bĕ si ni àwon abánikédùn kan si ñsán  ara won m’ólè  bi ejò  ti wón fi òpá pa  ti o nta ràì  ràì  ti o si njanr’arè m’ólè  . È é  tijé ?. Béè ni àwon kan ń’tu itó sààrà bi  aláboyún  ti kò je àsèje rè. Àwon kan ñkan orí m’ólè bi òmùtí  tí o ti mutí yó  ti o jōko l’órí àga bě  nwón si ñkédùn ni o. T’iwon wă peléke, t’iwon di  òtò l’eni a gbá l’étí òtò l’eni t’étí ñdùn. Eni ti a f’òrò lò t’óní t’òun bàjé , kíní k’ólórò kó se? .Àsèjù pò. Ìkáánú èké   pò. Sùgbón ó n’ídi .Àní t’iwon wā ga jù , àgàgà òré Bàbá ìyàwó ti o ñwole , ñwòde n’ílé  òré rè bee iro la ba n’ídí rè. Bi àwon kan se ñwo òkû n’ílè ninu àgbàrá èjè ni  won  fi owó bo imú  ti won si ñtu kèlèbè jáde l’énu  . Bĕ sì  l’àwon kan ñké ti wón k’áwó l’órí ti won si fi èpè bonu pe  ”Eni se eléyī ko nii jèrè . Awon àgbàgbà àfâ Musulumi ti irun won  funfun báláú nke ”Alhamudu lahi,Allah fun wa o si gbaa lo. Ó yé Olóun”. Ikun imú  ìyá olomo  nsàn , o si ñpòsé  bi ejo sèbé.

Kí l’ódé? Ni iseju aaya yi? .Aso ìgbéyàwó  ti òyìnbó ni o si wa l’ára Omolará ti o kún fún kìkì èjè. Ki lo s’elè?.Tani won se?

Bi nwon se nsofo lowo,  ni Baba iyawo  sure  mu ankasiifi funfun balau wo yàrá lo. Ko si eni to rii. Kia ni o tun bo sita. Awon ti nwon nse aajo nse aajo . Ki lo de ti a fi obe gun arabinrin yi? Ese wo ni o se? Ta si ni o le se? Oro yi ni gbogbo abanikedun nbere.Bee si ni oko iyawo nso oyinbo ti o tu tai re ”O!@ mai Goodu”

Haa lojo igbeyawo Baba Iyawo fi ile pon oti o fi ona ro oka. E wa wo orisirisi oti elerindodo, oti oyinbo lo sua . Emu nru fuu bi ito akiwarapa.

Ara fu mi ,mo la Ala buruku kan . Mama Omolara ni o so fun oko re nipa ala ti o la. E jowo w mase je ki a se igbeyawo yi nisisisyi, bi Sade iyawo Suga se so fun oko re niyen. Sugbo Suga so pe owo wa., a oo se iyawo yi . A ti da ojo, a si ti da osu .A si ko le yee mo.  Sebi owo la fee na. Haa owo lobinrin mo, bi Sade se gbo pe owo wa yi , oju re pada, o bu serin  muse bi eni ti o je tete , o tu aso idi re ro bi obinrin ti o nfi ete pe oko re sinu iyewu lati baa se totomelefu tii domo. O  bere si se oyaya , ara re si ya ga ga . Kai , owo apekanupo. Ohun ti owo ba se ti ile lo ngbe. Owo de , idunnu de.

Iyawo Suga tiise  Sade ti  lo si ilu Switzerland lo mu aso. Lojo igbeyawo Omolara  aso orisisiri lo yoju . Elegbejoda lo jantirere. Owo dara ore mi . Bi o ba ni owo lowo iwo le fe aya Oba. Sebi  o ri bee lojo naa lohun ti olowo kan ni ile wa yi fe iyawo oba ti gbogbo iwe irohin gbee jade. Ani se ki Oluwa ma se fi owo kehin oro wa. Mo  ni ki owo ki o mase .. to to funn ,owo apekanuko. Owo ni mu aburo pe egbon ran nise . Owo le je ki omo pe Baba ni my padi. Esu lowo. Owo a maa mu ni sise . Owo a maa ja itiju kuro lara eni. Eni ba ni owo ko dara ki o to iya talaka wo fun odun meta  yoi rii iyato re.

Oko Iyawo nko? Oko iyawo ti jade nile iwe giga ti Fasiti, ti o gba oye Olukoni  o si ti se odun kan ti Alagunbaniro  ti  o fi sin ijoba ti a npe .NYSC . Sugbon lehin odun kefa ko si ise , nse lo nba won ta ayo olopon  l’abe  igi isin. Ihahin lo fi se ibujoko lati maa fi pa ironu re. Segun mo ayo ti yio je, oun naa lo mo itan gbogbo ilu won,.Sebi nidi ayo lati ngbo orisirisi oro , ofofo ati isele ni ilu.  Segun mo awon ti won yan ale, o mo omo ale. o mo igbati Oyinbo  Elizabeth Ilu Oyinbo ti o ta teru nipa nijosi gun ori aga alefa re . Itan ni Segun mo bee lori ainiselowo yi naa ni.

Nigbati Omolara pade Segun Omolara fii lokan bale pe oun oi baa wase , ati pe Baba oun milonia ni.Awon mejeji mo obi ara won , ina wo , won si da ojo igbeyawo.Ojo pe . Baba iyawo lo ra aso oko ati iyawo, oun na lo ra aso ore oko ati or iyawo  la i je ki won na kobo ninu inawo nla yi.

Bee Wakati meji sehin ni Oniwaasu so awon toko tiyawo po ni ile ijosin BoN.. Adura ti gba pe omobinrin ti nwa oko ti ri oko bi o tile je pe ojo ori iyawo ju ti oko lo. Sugbon oku orun ni a fi eyi se. Bi io ti le je pe ara ile iyawo nikan lo mo pe omo won ni aaginni. Sugbon talo le so? Tani jee tu asiri sita.

Lojiji ni a ri iyawo ti o subu lule ti o nkigbe oro o, won ti gun mi l’obe o,okunrin kan ti o njo lo gunn l’obe  nigba ti o dibon pe oun nba jo. Gbara ti o subu ni onitohun ti sa lo. O di digbadigba won gbeee lo si ile iwosan. Baba iyawo binu lopolopo , o ni eni pa omo oun yio je iya.

Won ko mo eni ti o gunn lobe bee ni .. ago  olopa ya.Olopa bere lowo awon obi ati ojulumo tani a fura si, sugbon enikookan ko le so.

Nigbati Dokita se ayewo Omolara , o rii pe ikun re ni obe ba, sugbon ko wole sii lara. Lose keji a da omolara pada sile , bee ni Ago olopa nse iwadi lo.

Omolara wa so fun Olopa ki won ko gbogbo amuhunmaworan , kamera ti a fi si kolofin ile baba re jade lati wo eni se ise laabi ohun. Bee ko seni ti o mo pe Omolara fi Camera si ayika ati inu ile wonyi. O si see nitori ole, alo kolohun kigbe , alafowera nigba aseye.

Nihayi ni asiri tu. Haa akara tu sepo. A ri okunrin kan ti o n’fun omodekunrin kan l’owo tuulu tuulu  ni iyara ati obe  ti ori re ri sooroso ti o mu felefele bi abe ifari.  A si ri omodekunrin kan naa yi ti o fi obe gun iyawo nigbati o nl’e owo moo loju loju agbo ti won njo. Camera te siwaju lati ri ore Baba Iyawo ti won nsoro wuye wuye , a si tun ri Baba Iyawo ti o fi aso pelebe funfun nu eje lara Omolara ti o sii fi si abe aso  wo iyewu lo, ti o fii sinu igba  ti a fi owo  eyo  di lara. A si ri ore Baba Iyawo nigba ti won ngbe igba yi sinu paali oti , lati fihan  pe oti ni won ngbe jade lo. Bee etanje ree.

Olopa pe Baba iyawo ati Ore re

. Olopa wa Arakunrin ti o gun obe .Gbogbo won ni won wa lawari bi obinrin se nwa nkan obe. Okan Baba iyawo bale , o ni oun ko je gbi, sebi eni je gbi loun nku gbi. Sugbon okan arakunrin ni ko bale , o nke kinmi mo se? Sebi aseburuku o ku ara ifu. O seka tan o rido bori ..lai mo pe Oba oke nwo e. Igba ti o ya o ni Emi ko da see, sebi adase nii hun ni. Ejo to ba darin la n’fopa pa. Emi nikan ko lo mo soran naa. Baba iyawo lowo lowo, oun towo ba se ti ile lo ngbe .Sugbon ko mo pe olopa ti ko ni gba riba niyi ani olopa ti ko ni gba owo ehin lo foju kan yi .Beeni olopa DPO yi ko ngba abetele.Kini ka ti wa see si?

Lojo Alamisi ni  ale agogo mewa ku iseju  mejo ni oju  ati ese pe ni  ofisi DPO otelemuye ni ago olopa ni ilu BoN ti won si fi camera han gbobo awon eniyan wonyi. Asiri tu, akara tu sepo. Baba fi ika abamo senu , o nke nba mo nba maa see.Sugbon  ototo ilu pejo won ko ri ebo abamo se , a see tan o di aapon. Baba iyawo jewo pe oun fee renew oogun owo pelu eje omo oun ninu aso igbeyawo ni. Enu ko ha, a se ebi eni a maa se ni. A se kokoro ti nje obi inu obi nii iwa , kokoro tii jewe inu ewe niiwa bee si ni kokoro ti nje  efo inu efo lo wa . A see isale oro a maa  legbin,……( Coming out soon)